शिक्षा बहुउद्देश्यीय सहकारी संस्थाले बिर्तामोड–२ चैतुवारी सेवा केन्द्रको इकाइगत साधारणसभा सम्पन्न गरेको छ ।
बिर्तामोड मुख्य कार्यालय रहेको संस्थाको आगामी कात्तीक २ गते हुने ११ औं बार्षिक साधारणसभा अन्तरगत आज शनिवार इकाइगत साधारणसभा गरिएको हो ।
अध्यक्ष सुव्रत न्यौपानेको अध्यक्षता तथा बिर्तामोड २ का वडाध्यक्ष किशोरकुमार पौडेलको प्रमुख आतिथ्य रहेको कार्यक्रममा विभिन्न क्षेत्रका उत्कृष्ट सदस्यहरुलाई सम्मान गरिएको थियो ।
संस्थाले सेवा केन्द्रका आवधिक बचततर्फ रघुनाथ घिमिरे, शिक्षातर्फ प्रज्ञा खतिवडा, ऋणितर्फ मधु श्रेष्ठ, साधारणतर्फ सुकमाया तामाङ र नियमिततर्फ यशोदा राजवंशीलाई सम्मान गरेको हो ।
वार्षिक प्रगति प्रतिवेदन प्रस्तुत गर्दै संस्थाका अध्यक्ष न्यौपानेले सदस्यलाई आत्मनिर्भर तथा व्यावसायिक बनाउने तर्फ संस्था सदैव लागि पर्दै आएको बताउंदै उनले अझ सदस्यलाई लाभ मिल्ने खालका योजना ल्याउनेतर्फ संस्था केन्द्रित भइरहेको बताए । अध्यक्ष न्यौपानेले बालबालिका देखि युवा व्यावसायि सम्मलाई लक्ष्यित गर्दै योजना ल्याईएको बताए ।
सहकारीले दीर्घकालीन उदेश्य बोकेकाले बिद्यालय देखि युवा उध्यमशिलता लाई सहयोग पुग्ने कार्यक्रम तय गरिएको बताए । कार्यक्रममा बोल्दै प्रमुख अतिथि पौडेलले शिक्षा सहकारीले वडा नम्बर २ लाई महत्त्वका हेरेकोमा धन्यवाद दिए । संस्थाले संचालनमा ल्याएको शिक्षा सिकोप देखि खरिद गरिएको जग्गा समेत आफ्नो वडामा रहेकाले अन्य परियोजना यसै वडामा संचालन गर्न आग्रह गरे। बजार केन्द्रीय सहकारीले गाउँका सदस्यलाई सहज सुबिधा दिएको भन्दै प्रशंसा समेत गरेका थिए । कार्यक्रममा कार्यपालिका सदस्य सर्मिला राजबंशी लगायतले शुभकामना राखेका थिए ।
४ हजार ७२० जना शेयर सदस्य रहेको संस्थाको शेयर पुँजी ३ करोड ४८ लाख ८१ हजार रुपैयाँ रहेको छ ।
कर्मचारी भुमा पौडेलले स्वागत गरेको कार्यक्रमको सञ्चालन संस्थाका सचिव सूर्यकुमार खतिवडाले गरेका थिए ।
