दमक ४ श्रावण । झापाको दमकमा गुणस्तरीय सिकाई सहजिकरण सम्बन्धि ३ दिवसीय प्रशिक्षण कार्यक्रम सुरु भए भएको छ ।
क्वेष्ट नेपालको आयोजनामा आयोजित कार्यक्रममा पठनपाठनको अतिरिक्त अनुसन्धान ,खोज र रिपोर्ट तयार गर्न शिक्षक लाई प्रशिक्षण प्रदान गरिएको प्रशिक्षक एंव झापा हवका कोषाध्यक्ष ओम बिक्रम नेङ्वाङले जानकारी दिए । 
‘स्टुडेन्ट क्वालिटी सर्कल’ (एसक्युसी) मार्फत बालबालिका लाई गुणस्तरीय शिक्षा प्रदान गर्न र सवल नेतृत्व स्थापित गर्न प्रशिक्षण प्रदान गरिएको हवका को-अर्डिनेटर गुणराज गिरिले बताए ।
कार्यक्रममा केन्द्रीय सल्लाहकार दिपक गौतम, केन्द्रीय सदस्य नारायण सापकोटाले प्रशिक्षण प्रदान गरेको कार्यक्रमको सहजीकरण सागर श्रेष्ठ र ओम बिक्रम नेङ्वाङले गरेका थिए । तालिममा झापा,मोरङ र सुनसरीका ४५ जना शिक्षकको सहभागिता रहेको छ ।
तालिममा सिकाई सहजीकरण , बिद्यालय ब्यबस्थापन र गुणस्तरीयताको विषयमा छलफल अन्तरक्रिया गरिएको थियो ।
