झापा । न्यूटन्स् बाल क्लबले बिर्तामोड नगरपालिकाका जनप्रतिनिधि तथा शाखा प्रमुख संग भेटघाट तथा छलफल गरेका छ । 
बिर्तामोड ५ मा रहेको न्यूटन्स् एजुकेशन एकाडेमीमा रहेको क्लबले नगरपालिकाका चार जना प्रमुख व्यक्तित्वलाई गमला हस्तान्तरण गर्दै हरित नगर बनाउन समेत आग्रह गरे।
१सय १३ औ अन्तर्राष्ट्रिय नारी दिवसको अवसरमा मायाको चिनो स्वरुप विर्तामोड नगरपालिका नगर प्रमुख पबित्रा महतारा प्रसाईलाई बिरुवा सहितको गमला हस्तान्तरण गरे। नगर प्रमुख प्रसाईले नारी दिवस र यसको महत्त्व बुझाउदै नारी अधिकार अहिले स्थापित हुँदै आएकाले आफू पनि नगरपालिकाको प्रमुख भएको बताइन् । उनले बालबालिका अधिकार प्राप्ति संगै कर्तव्य भुल्न नहुने सुनाउदै बिर्तामोड लाई सुन्दर नगरी बनाउन विभिन्न क्षेत्रबाट पहल हुँदै आएको बताइन् ।
यस्तै उप-प्रमुख नगेन्द्र संग्रौलाले बालबालिका आफै स्थानीय सरकार संग भेटघाट गर्न आएकोमा खुशी ब्यक्त गर्दै क्लबको माध्यमबाट नेतृत्व बिकास गर्न सुझाव दिए । 
प्रमुख प्रशासकीय अधिकृत विनोदकुमार न्यौपाने,युवा खेलकुद तथा शिक्षा शाखा प्रमुख तिलचन भण्डारी,अधिकृत दिनेशप्रसाद आचार्य,केशरबहादुर खवास,जानुका रेग्मीलाई दोसल्लाले सम्मान गर्दै गमला हस्तान्तरण गरिएको थियो ।
बालबालिकाले स्वास्थ्य ,शिक्षा,लेखा,महिला तथा बालबालिका शाखाको अवलोकन गरेका थिए।
प्रमुखहरु संग भेटघाट गर्दै बालबालिकाले बालक्लबको गतिविधिका बारेमा सुनाउदै स्थानीय सरकार संग सहयोग र सहकार्य गर्न आग्रह गरिएको अध्यक्ष अर्पणा लोहनीले बताइन्।
विद्यार्थीले किताबमा पढ्ने तर व्यबहार पछि पर्ने गरेको बिद्यालयले महसुस गरेकाले प्रत्यक्ष रुपमा स्थानीय सरकार संग भेट गराईएको प्रधानाध्यापक देवेन्द्र दुमागाईले बताए।
बाल क्लब मार्फत रचनात्मक गतिविधि गरिएको र निजि बिद्यालयलाई पनि स्थानीय सरकारले साथ र सहयोगको अपेक्षा गरिएको बाल क्लब फोकल पर्सन मिनु शिवाकोटीले बताइन् ।
