कर्णबहादुर स्मृति कपकाे फाइनलमा प्रवेश गर्याे आयोजक दूधे भेट्रान

संवाददाता/ शुक्रबार, फागुन १९, २०७९

झापा शिवसताक्षीमा जारी तेस्रो कर्णबहादुर स्मृति भेट्रान कपमा आज भएको खेलमा आयोजक दूधे भेट्रान क्लबले फाइनलको यात्रा तय गरेको छ।

हाम्रो धरान भेट्रान क्लब धरानलाई २–० गोल अन्तरले हराउँदै आयोजक दुधे भेट्रान क्बले फाइनलको यात्रा तय गरेको हो ।

खेलको ४ मिनटमा जर्सी नं. ९ का भिष्म खरेल (विनोद)ले १ गोल गर्दै टिमलाई अग्रता दिलाएका थिए। त्यस्तै खेलको ५५ औं मिनेटमा आयोजकको तर्फबाट जर्सी नं.७ का महेश संकरले १ गोल थप्दै २–० गोल अन्तर बनाउन सफल भए ।

खेलको म्यान अफ दी म्याच आयोजकका जर्सी नं. ५ का सचिन्द्र धिमाल घोषित भए ।

भोलि शनिबार हुने अन्तिम सेमीफाइनल खेल सुरुङ्गा भेट्रान र तरहरा भेट्रान क्लब बीच हुने आयोजकले जनाएको छ ।