झापाको शिवसताक्षीमा जारी तेस्रो कर्णबहादुर नेम्वाङ स्मृति कपको आज भएको खेलमा हाम्रो धरान भेट्रान क्लब सेमी फाइनलमा प्रवेश गरेको छ । उर्लाबारी भेट्रान क्लबलाई ४–१ गोल अन्तरले हराउँदै हाम्रो धरान भेट्रान क्लब सेमी फाइनलमा प्रवेश गरेको हो ।
पहिलो हाफको ७:४५ मिनेटमा हाम्रो धरान भेट्रानका सत्तिस केसीले पहिलो गोल गरेका थिए । त्यस्तै खेलको २२: १५ मिनेटमा उर्लाबारीका इन्द्रेणी सुवेदीेले एक गोल गरेपछि खेल बराबरीमा रहेको थियो ।
दोस्रो हाफमा हाम्रो धरान भेट्रान क्लबले लगातर ३ गोल गर्न सफल भयो । धरानका तर्फबाट दोस्रो हाफमा सन्तोष राईले २ गोल र तीर्थ राज आलेले १ गोल गरेपछि फराकिलो अन्तरले धरान विजयी भएको हो ।
प्रतियोगितामा विजयी हुने टिमले नगद रु १ लाख १ हजार नगद सहित शिल्ड , मेडल र प्रमाण पत्र पाउने छन् भने उपविजेता हुने टिमले शिल्ड, मेडल र प्रमाण पत्र प्राप्त गर्ने आयोजक दुधे भेट्रान क्लबले जनाएको छ ।
भोली विहीबार विर्तामोड भेट्रान क्लब र तरहरा भेट्रान क्बल बीच खेल हुने छ । भेट्रान कप दूधे रंगाशालामा सञ्चालन भएको हो ।
