झापा । प्रदेश १ को प्रदेश सभामा प्रदेशको नाम कोशी राख्ने प्रस्ताव दर्ता भएको छ।
एमालेका सांसद रामबहादुर राना मगर प्रस्तावक र एमालेकै निरन राई र नेपाली कांग्रेसका भूमिप्रसाद राजवंशी समर्थक रहेर कोशी नाम राख्ने प्रस्ताव संसदमा दर्ता भयो।
अर्को सत्तारूढ दल माओवादी केन्द्रले पनि उक्त प्रस्तावमा फरक मत नराख्ने बताए छ।
सत्ताको नेतृत्व गरिरहेको एमाले र विपक्षी कांग्रेस एकमत भएर प्रदेशको नाम राख्न लागेपछि माओवादी केन्द्रले पनि यसमा अवरोध नगर्ने, फरक मत नराख्ने वचन दिएको कांग्रेस नेताहरूले बताएका छन्। यस्तै एकीकृत समाजवादी र जसपाले भने किराँत लिम्बूवान सगरमाथा राख्ने प्रस्ताव संसद् सचिवालयमा दर्ता गराएको छ ।
एकीकृत समाजवादी संसदीय दलका नेता राजेन्द्र कुमार राई प्रस्तावक र जसपाका निर्मला सुब्बा समर्थक रहेको नामको प्रस्ताव सचिवालयमा दर्ता भएको हो ।
एमाले अध्यक्ष केपि शर्मा ओलिले प्रदेशको नाम कोशी राख्न सुझाव दिदै आएका थिए ।
