झापा । झापाको बिर्तामोडमा सञ्चालित अन्तराष्ट्रिय औद्योगिक व्यापार महोत्सवको सयम तीन दिन थप गरिएको छ ।
उपभोक्ता र अबलोकन कर्ताको आग्रहलाई मध्यनजर गर्दै महोत्सव आयोजक समितिले मेलाको समय अवधि तीन दिन थप गर्ने निर्णय गरेको महोत्सव मूल आयोजक समितिले आज पत्रकार सम्मेलन मार्फत जानकारी गराएको हो ।
गत फागुन ५ गतेदेखि सञ्चालित महोत्सव अब फागुन १८ गतेसम्म सञ्चालन हुने संयोजक राजु न्यौपानेले बताए । महोत्सवमा राष्ट्रिय कलाकारहरु दिपक बज्राचार्य,प्रमोद खरेल, रचना रिमाल र जी- बबको साङ्गितिक प्रस्तुति रहने बिर्तामोड उद्योग बाणिज्य संघका अध्यक्ष प्रकाश शिवाकोटीले जानकारी दिए ।
अध्यक्ष शिवाकोटीका अनुसार महोत्सवमा प्रवेश शुल्क १ सय बाट २ सय बनाईएको पनि बताए ।
महोत्सवको समयअवधि थपका लागि जिल्ला प्रशासन कार्यालय झापा र बिर्तामोड नगरपालिकासंग समन्वय गरिएको बिर्तामोड उद्योग वाणिज्य संघका महासचिव अर्जुनकुमार मैनालीले बताए ।
