झापाका प्रमुख जिल्ला अधिकारी छबिलाल रिजाललाई कनकाई नगरपालिका द्धारा आज सोमबार एक कार्यक्रमको आयोजना गरि सम्मान तथा बिदाई गरिएको छ । 
तनहु जिल्लाको प्रमुख जिल्ला अधिकारीका रुपमा झापाबाट सरुवा हुनु भएका रिजाललाई कनकाई नगर सहित विभिन्न कनकाई नगरका संघ/संस्थाहरुले एकैसाथ सोमवार (आज) कनकाई नगरको सवाहलमा सम्मान तथा बिदाई कार्यक्रम गरिएको थियोे । नगर प्रमुख राजेन्द्रकुमार पोख्रेलको अध्यक्षतामा भएको सम्मान तथा बिदाई कार्यक्रममा उप प्रमुख आशा शर्मा शिवाकोटीले स्वागत गर्नुभएको थियोे । कार्यक्रममा नगरका नौ ओटै वडाका वडा अध्यक्ष , कार्यपालिका सदस्य , वडाका अन्य सदस्य , नगरका सम्पूर्ण कर्मचारीहरुले फेरि भेटौला भन्दै एकै साथ प्रजिअ रिजाललाई सम्मान का साथै मायाको चिनो दिएर बिदाई गरिएको थियोे । कार्यक्रममा विभिन्न राजनीतिक दलका प्रमुख तथा प्रतिनिधि ,कनकाई उद्योग बाणिज्य संघ, कनकाई छटसेवा समाज , नेपाल रेडक्रस उप शाखा सुरुङ्गा , रोटरी क्लब अफ सुरुङ्गा ,लाईन्स क्लब अफ कनकाई सुरुङ्गा , सुरुङ्गा जेसिज , विभिन्न क्लबका प्रमुख तथा प्रतिनिधि , सघ सस्थाका प्रमुख तथा प्रतिनिधिहरुको उपस्थिती रहेकोे थियोे ।
कार्यक्रममा अधिकास वक्ताहरूले प्र जि अ रिजाललाई अबको जिम्मेवारी पनि झापामा रहदाकै जस्तो अविस्मरणीय एवम् सुखद रहोस भनी शुभकामना दिएको कर्मचारी विजय पाठकले जानकारी दिनुभयो।
कार्यक्रमको सञ्चालन प्रशासन शाखाका प्रमुख विवेक भण्डारीले गर्नुभएको थियो।
