झापा । बाँसको भाटोले बारेको, माटोले लिपेको सानो झुप्रोमा,बुद्ध हेमरम, उनका ५ जना छोरा छोरी छन् ।
विहान बेलुका हात मुख जाड्न नै धौ धौ छ न्यानो कपडा ओछ्याएर यो चिसो मौसममा सुत्नु उनिहरुको लागि सपना जस्तै भएको छ। बिर्तामोड वडा नम्वर ७ मा रहेको गाँउमा गत २५ बर्ष देखि भुमिहीन परिवारहरुले बार्षिक १ हजार जमीन कर तिरेर दुखले आफ्नो जीवन ब्यतीत गरिरहेका छन् । यो चिसोमा समयमा ओड्ने शिरक र ढस्ना पाउँदा उनीहरु अत्यन्तै खुसी भएकका छन् ।
यो अवसर जुटायो सहयोगी मनहरु नेपाल नामक संस्थाले । पिछडीएका, कसैको आखाँ नपुगेका अति विपन्न गरिवलाई सहयो गदै आएको यस संस्थाले विभिन्न समयमा सामाजिक उत्तरदायीत्तव अन्र्तगत यस किसिमका अभियान सञ्चालन गरिरहेको संस्थाका अध्यक्ष भिमप्रसाद आचार्यले बताए ।
अमेरिकाको न्युर्योक बस्ने दाता भगवती रिमाल खनाल र सुसिला गुरुङको सहयोगमा कार्यक्रम सम्भव भएको संस्थाका महासचिव विष्णु उप्रेतीले बताए । कार्यक्रममा वडाध्यक्ष अविरल कृष्ण खरेल, सदस्य खडानन्द निरौला , केन्द्रिय उपाध्यक्ष सुमन रिमाल लगायत लगायतको उपस्थिति रहेको थियो ।
चिसोको समयमा कठ्याङग्रीएर बसेका विपन्न परिवार लाई न्यानो प्रदान गर्ने काम थोरै भएपनि सहयोग गर्न पाएको र आगामी दिनमा अझ शसक्त रुपमा कार्यक्रम संचालन गरिने उनिहरुले बताए ।
