झापाको मेचिनगर -७ गोमनसरी स्थित अरनिको माध्यमिक बिद्यालयले शुक्रबार नियमित आयोजना गर्ने अतिरिक्त क्रियाकलाप अनतर्गत अन्तर सदन दुना,टपरी बनाउने प्रतियोगिता सम्पन्न गरेको छ।
बालबालिकालाई ब्यबहारिक सिकाई अन्तर्गत रचनात्मक बनाउन कार्यक्रम आयोजना गरिएको बिद्यालयका सह- प्रधानाध्यापक सृजना ढुङ्गेलले बताईन् ।
बिद्यालयमा रहेको अरनिको बालक्लबका अध्यक्ष बिजय श्रेष्ठको अध्यक्षता रहेको कार्यक्रममा स्थानिय ज्येष्ठ नागरिक लक्ष्मी खनालको प्रमुख आतिथ्य रहेको थियो । चार सदनका १२ बिध्यार्थीले सहभागिता जनाएका थिए।
प्रमुख अतिथी खनालले दुना टपराले हिन्दु धर्म संस्कृती र परम्परामा अपरिहार्य रहेको बताउदै विद्यार्थी माझ प्रतियोगिता मार्फत सिकाईले परम्परागत ज्ञान प्राप्त गर्ने बताए । 
बाल क्लब फोकल शिक्षिका गङ्गा अधिकारीले बालबालिका लाई रचनात्मक बनाउन विभिन्न गतिविधि गर्दै आएको बताइन् ।
बिद्यालयले प्रत्येक शुक्रबार रचनात्मक गतिविधि गर्दै आएको छ ।जस अन्तर्गत कक्षागत हिज्जे प्रतियोगिता , अन्तर सदन गणितीय दौड गरिने शिक्षक लोकेन्द्र बहादुर थपलियाले जानकारी दिए ।
