झापा । चुनावी प्रचार प्रसारका क्रममा झापा आएका राष्ट्रिय स्वतन्त्र पार्टीका सभापति रबी लामिछानेले झापाका विभिन्न स्थानमा आफ्ना कार्यकर्ता र समर्थकलाई सम्बोधन गरेका छन् ।
राष्ट्रिय स्वतन्त्र पार्टी गठन गरी आगामी मंसिर ४ गते हुने प्रदेश तथा प्रतिनिधिसभाको निर्वाचनमा घण्टी चुनाव चिन्ह लिएर उम्मेद्वार बनेका लामिछानेले आफ्ना पार्टीका उम्मेद्वार तथा समर्थकलाई शुक्रवार (आज) सम्बोधन गरेका हुन् ।
बिर्तामोड ३ बजे आउने भनिए पनि ४ घण्टापछि लामिछाने करिब साँझ ७ उपस्थित भएका थिए । उनले सुभेक्षुकलाई भेटघाट गर्दै आउदा ढिलो भएको भन्दै छोटो बिर्तामोडमा ४ घन्टा देखि कुरेर रहेका मतदातलाई सम्बोधन गर्दै मुलुक बनाउने अभियानमा रहेका आफ्ना पार्टीका उम्मेद्बार लाई बिजयी गराउन आग्रह गरे।
जिल्ला अध्यक्ष उमेश खरेलको संयोजनमा झापा आएका लामिछानेले झापाको दमक, दूधे, सुरुङ्गा, धुलाबारीपछि बिर्तामोड र राजगडमा सम्बोधन गरेको अध्यक्ष खरेलले जानकारी दिए ।
साँझमा आएका उनले छोटो सम्बोधन गर्दै झापा २ बाट प्रतिनिधिसभा सदस्य पदका प्रत्येक उम्मेद्वार रुद्रप्रसाद गिरी र समानुपातिक तर्फका उम्मेद्वार निशा डाँगी, मनोज राजबंशी, रुपा लावती, इन्दिरा राना मगरलाई अत्याधिक मतले बिजयी गराउन आग्रह गरेका थिए
