झापा क्षेत्र नम्बर २ मा एमालेका पूर्व सहकर्मीबिच प्रतिस्पर्धा हुँदै छ । प्रतिनिधि सभा तथा प्रदेश सभामा पनि पूर्व एवम् वर्तमान एमाले नेताहरु चुनावी मैदानमा छन् ।
झापा क्षेत्र नं २ को प्रतिनिधि सभामा एमालेका पूर्व सहकर्मीहरु देवराज घिमिरे र हरी राना प्रतिस्पर्धामा छन भने प्रदेश सभाका लागि भद्रपुर नगरपालिकाका पुर्व मेयर पुस्प पोख्रेल र निवर्तमान प्रदेश सांसद एकराज कार्की बिच प्रतिस्पर्धा हुदैछ ।
हिजोको सहयात्री आजको प्रतिस्पर्धीको रुपमा उनिहरु बिच चुनावी भिडन्त हुँदैछ। आगामी मंसिर ४ गते हुने प्रदेश तथा प्रतिनिधि सभा सदस्य पदका लागि सो क्षेत्रमा प्रतिनिधि सभा सदस्य पदका लागि एमाले,राप्रपाले एमालेका देवराज घिमिरे लाई उम्मेद्बार बनाएको छ भने गठबन्धनका तर्फबाट हरि रानालाई उभ्याएको छ ।
यता प्रदेश तर्फबाट निवर्तमान सांसद एमालेका एकराज कार्की र गठबन्धनका तर्फबाट समाजबादीका पुस्प पोख्रेल बिच प्रतिस्पर्धा हुँदै छ।
रोचक कुरा के छ भने हिजोका सहयात्री आजको प्रतिस्पर्धीको रुपमा प्रस्तुत भएका छन् झापा क्षेत्र नम्बर २ का ४ नेता प्रतिनिधि सभा सदस्य उम्मेद्बार बनेका घिमिरे र राना नेकपा एमालेका नेता हुन् उनिहरु । घिमिरे प्रदेश इन्चार्ज हुन भने राना प्रदेश कमिटी सदस्य हुन् । राना २०७४ सालको स्थानीय तह निर्वाचनमा एमालेका तर्फबाट अर्जुनधारा नगरपालिकाको मेयर समेत हुन् ।
उनले एमाले बाट प्रदेश सदस्यको आकांक्षा राखेका थिए तर पार्टीले उनलाई टिकट नदिएर प्रदेश सचिव चिन्तन पाठक लाई टिकट दिएपछि उनी रातारात माओवादी बने गठबन्धनका तर्फबाट माओवादीले पाएको सो क्षेत्रमा उपयुक्त उम्मेद्बार नपाईरहेको अवस्थामा माओवादीका लागि ढुङ्गा खोज्दा देउवा मिले जस्तै भयो र रानालाई उम्मेद्बार बनायो ।
यस्तै प्रदेश सभामा पनि त्यस्तै भएको छ । एमालेका कार्की र समाजबादीका पोख्रेल पनि पुर्व एमाले हुन् , कार्की एमाले बाटै प्रदेशमा चुनाव लढ्दै छन् भने पोख्रेल समाजबादी बाट नेकपा बिभाजन भएपछि एमाले फुट्यो र समाजबादी बन्यो पोख्रेल एमाले बाटै पुर्व मेयर,एंव संघीय सांसद समेत बनिसकेका छन् ।
राना र पोख्रेललाई काङ्ग्रेस ,माओवादी र समाजबादीको साथ छ भने घिमिरे र कार्की एमाले,राप्रपाको साथ रहेको छ। अर्को प्रसंग के रहेको छ भने राना र पोख्रेलले जिते भने झापामा माओवादी र समाजबादीको बीउ रहनेछ यो चुनाव उनिहरुका लागि राजनैनिक जिवनमरणको लडाई रहेको देखिन्छ । एमालेको बर्चस्व रहेको झापामा माओवादीले संघमा १ र प्रदेशमा ३ निर्वाचन र समाजबादीले प्रदेशमा मात्र १ निर्वाचन क्षेत्र भागबन्डामा पाएका छन् ।२०७४ को निर्वाचनमा यस क्षेत्रमा एमालेका संघीय सांसदमा पबित्रा निरौला खरेल र प्रदेश १ मा कार्की २ मा बृख प्रधान निर्वाचित भएका थिए।
