असोज ११ बिर्तामोड । नेकपा एमाले झापा क्षेत्र नम्बर २ मा चुनावी अभियान सुरु भएको छ । नेकपा एमाले र राप्रपाको संयुक्त चुनाव प्रचार–प्रसार समितिले शुक्रबार देखि घरदैलौ अभियान सुरु गरेको हो ।
मतदाताको कुरा सुन्दै गाउँ-गाउँमा एमाले नेताकार्यकर्ता चुनावी अभियानमा सक्रिय भएका छन् ।
आगामी मंसिर ४ गरे हुने प्रदेश तथा प्रतिनिधि सभा निर्वाचनमा झापा निर्वाचन क्षेत्र नम्बर २ नेकपा एमालेका प्रतिनिधि सभा सदस्य उम्मेद्बार देवराज घिमिरे र प्रदेश सभा सदस्य एकराज कार्की सहित गाउँमा मतदाता समक्ष भेटघाट तथा अन्तरक्रिया गरिरहेका छन् ।
शुक्रबार बिर्तामोड ८ गरामनीका हर्चना ,नेपाल चौक,देउनिया,ज्योतिनगर,किसनभिट्टा,मेथिबारी,गुवाबारी ,नगरगौरव भिलेज हुँदै गरामनी बजारमा त्यहाँको बिकास र आवस्यकताका बारेमा स्थानीय संग छलफल गरिएको बिर्तामोड ८ का वडा कमिटी अध्यक्ष बिष्णु भट्टराई जानकारी दिए ।
निवर्तमान प्रदेश सांसद कार्कीले गरेका कामको मुल्यांकन गर्दै मत दिन र अधुरा रहेका कामलाई पुर्णता दिने प्रतिबद्धता ब्यक्त गरे, भने प्रतिनिधि सभा सदस्य उम्मेद्बार घिमिरेले जनस्तरका आवस्यकता पूरा गर्दै देखिने गरि बिकास गर्ने प्रतिबद्धता व्यक्त गरे ।
कार्यक्रममा निर्वाचन परिचालन समिति संयोजक हरिचरण शिवाकोटी ,जिल्ला कमिटी सचिवालय सदस्य एंव क्षेत्र निर्वाचन समन्वय समिति संयोजक बद्री भट्टराई ,नगर कमिटी इन्चार्ज देवराज कार्की प्रतिनिधि सभा समानुपातिक उम्मेद्बार हर्कमाया बि.क,राप्रपाकि प्रदेश समानुपातिक उम्मेद्बार रन्जु प्याकुरेल सहित नेता कार्यकर्ताको उपस्तिथि रहेको थियो ।
