बिर्तामोड । एमिटी एजुकेसन फाउन्डेसन बिर्तामोडले विद्यार्थीलाई कृषि तथा उद्यमशिलताको अध्ययन अवलोकन गराएको छ ।
किताबी ज्ञान मात्र पर्याप्त नहुने ठहर गरी विद्यार्थीले झापा बुद्धशान्ती गाउँपालिका ५ मा रहेको द हेल्दी फुड फार्म एण्ड नर्सरीको अवलोकन अध्ययन गरेका हुन् । ‘किताबी ज्ञान सँगै उत्पादन र व्यावसायिक जानकारी पनि आवश्यक भएकाले बालबालिकालाई भ्रमण गराएका हौँ’ बालक्लब फोकल पर्सन कृष्ण बस्नेतले बताए ।
कक्षा १० का विद्यार्थीलाई स्वदेशमै पनि कृषि जन्य व्यवसाय गर्न र आर्थिक आम्दानी गर्न सकिन्छ भन्ने सन्देश दिन सो कार्यक्रम गरिएको बिद्यालयका प्रधानाध्यापक आर एस ढकालले बताए ।
‘विद्यार्थी तथा बालबालिकाहरुमा स्वदेश भन्दा पनि वैदेशिक रोजगार र जीवनशैली उत्तम मान्ने गरेका कारण स्वदेशमै केही गर्न र स्वरोजगार हुन सकिने उदाहरण दिन बालबालिकालाई फार्मको अवलोकन गराईए हो’ फोकल पर्सन बिधानकृष्ण बस्नेतले बताए ।
