पूर्वसञ्चारकर्मी रवि लामिछानेले राष्ट्रिय स्वतन्त्र पार्टीको घोषणा गरेका छन् । लामिछानेले आफू व्यवस्था नभई अवस्था बदल्नका लागि राजनीतिमा आएको बताएका छन् । उनी पत्रकारिता छोडेर राजनीतिमा प्रवेश गरेका हुन् ।
काठमाडौंको राष्ट्रियसभागृहमा आयोजित पार्टी घोषणासभामा उनले व्यवस्था परिवर्तनको मुद्दा नलिइएको बताए । “व्यवस्था परिवर्तन गर्न आएको होइन । मलाई व्यवस्था होइन, तपाईंहरूको अवस्था बदल्नु छ । यो हिसाबले राजनीतिमा आएको हुँ,” उनले भने ।
टीभीमा रहेर आवाज उठाउँदा राजनीतिक दलहरू नसुध्रिएको उनको भनाइ छ । “राजनीतिक दललाई सुर्ध्र, सुध्र, सुध्र, सप्र, सप्र सप्र भनेर भनिरहेँ । तर, उनीहरू सप्रेनन् । सप्रने संकेत पनि देखाएनन्,” उनले भने, “जनमत गुमाउँदा गुमाउँदै पनि एउटाले अर्कोसँग गठबन्धन गरेर सत्ता हासिल गर्ने प्रपञ्च गरिहे । विश्वास गर्नुस्, यो देशमा मैलेजति रोएको मान्छे कसैले देखेको छैन ।”
