१ असार बिर्तामोड । बिराट आधारभूत बिद्यालयमा अध्ययनरत फरक क्षमता भएका बालबालिकालाई शैक्षिक सामाग्री बितरण गरिएको छ ।
बिर्तामोड नगरपालिका ५ स्थित न्यूटन्स् एजुकेसन एकाडेमीमा रहेको न्यूटन्स् बालक्लबको आयोजनामा बिर्तामोड १० मा रहेको बिराट बिद्यालयका २५ जना बालबालिकालाई आज एक कार्यक्रमका बिच सामाग्री बितरण गरिएको बालक्लब फोकल पर्सन मिनु शिवाकोटीले जानकारी दिईन ।
न्यूटन्स् बालक्लब अध्यक्ष अर्पना लोहनीको प्रमुख आतिथ्यता रहेको कार्यक्रममा बिद्यालय ब्यबस्थापन समिति अध्यक्ष कृष्ण बिमलीले स्वागत गर्दै फरक क्षमता भएका बालबालिकाको बारेमा प्रस्ट्याएका थिए । आयोजक बालक्लबले सबै बालबालिकाको अधिकार बराबर भएकाले पठनपाठनमा केही सहयोग पुगोस् भन्ने उदेश्यले कार्यक्रम आयोजना गरिएको अध्यक्ष लोहनीले बताइन् । 
बालबालिकालाई ब्याग शैक्षिक सामाग्री र खाजा बितरण गर्दै क्लबको रचनात्मक गतिविधिले बालबालिकालाई समाज प्रती उत्तरदायी बनाउन मदत पुग्ने उनीहरुले बिश्वास लिएका छन् ।
कार्यक्रममा निमित्त प्रधानाध्यापक भद्रकला प्रसाईं , बबिना भट्टराई लगायतको उपस्थिति रहेको थियो ।बिराट बालक्लब फोकल पर्सन रंग लाल न्यौपानेले बालक्लबले बालबालिका संगै जोडिएर गरेको कामको प्रसंशा गर्दै धन्यवाद दिएका थिए।
