झापा , १ । बिर्तामोडमा व्यावसायिक रुपमा तरकारी उत्पादन गर्दै आएका कृषकहरुले आफ्ना यावत समस्याका बारे नगरपालिकाको ध्यानाकर्षण गराउदै नगरपालिकासमक्ष ८ बुँदे माग राखेका छन् ।
१.कृषि थोक बजारमा आफ्ना उत्पादन आफै बिक्री गर्न पाउनुपर्ने ,
२. उत्पादित तरकारीको न्यूनतम बजार मूल्य पाउनुपर्ने ,
३.प्रत्येक वडाले कृषिसंग सम्बन्धित बजेट छुट्याउनु पर्ने ,
४.रासायनिक मलको अतिरिक्त व्यवस्था गर्नुपर्ने ,
५सिंचाई विद्युत निःशुल्क हुनुपर्ने ,
६. प्रांंगारिक मलको उत्पादनमा जोड दिनुपर्ने ,
७.कृषि तथा पशु प्राविधिकको व्यवस्था गर्नुपर्ने लगायत माग राखिएको कृषक यज्ञराज श्रेष्ठले जानकारी दिए । उनले पाँच वर्षमा आफूहरुको कुनै पनि माग नगरपालिकाले पुरा नगरेको दुखेसो पोखे ।
संयुक्त नगरको तर्फबाट अध्यक्ष माधव सिटौला , सचिव प्रदीप खनाल , पाँच वटा वडाका तरकारी कृषक समूहका अध्यक्षलगायतले आफ्ना मागका बारेमा नगर प्रमुख पवित्रा महतारा प्रसाईको ध्यानाकर्षण गराएका थिए । त्यसप्रति आफू गंभीर भएको नगर प्रमुख प्रसाईले बताएकी थिइन् ।
