९ अर्जुनधारा । राष्ट्रिय युवा संघ नेपाल अर्जुनधारा नगर कमिटीको प्रथम अधिबेशन बाट अध्यक्षमा सुरेन राई र युथ फोर्स अध्यक्षमा बिराज सुवेदी चयन भएका छन् । बिहिवार पार्टी कार्यालयमा आयोजित अधिबेशनबाट सर्वसम्मत चयन गरिएको अध्यक्ष राईले बताए ।
एमाले जिल्ला कमिटी सदस्य तथा युवा इन्चार्ज अनिता कन्दङ्वाको प्रमुख आतिथ्यता रहेको कार्यक्रममा युवा तथा खेलकुद बिभाग प्रमुख कर्मसेन गोम्देन र नगर कमिटी सचीव लभकुश गौतमले युवाहरूलाई एकीकृत भएर संगठनको मर्म अनुसार काम गर्न आग्रह गरेका थिए ।
कार्यक्रममा बोल्दै प्रमुख अतिथी कन्दङ्वाले पार्टीले लिएको नीति र योजनामा अनुसार एक बुथ २ सय युथ अभियानलाई सफल पर्दै आगामी स्थानीयतहको निर्वाचन सफल र परिणाममुखी बनाउन युवाहरूलाई लाग्न आग्रह गरिन । सोही कार्यक्रमका बिच मनोज तामाङको अध्यक्षतामा निर्वाचन युवा परिचालन नगर समिति गठन गरिएको छ । 
