९ बैसाख, बिर्तामोड । बिर्तामोड नगरपालिका वडा नम्बर ८ को वडा अध्यक्ष पदमा नेपाली काँग्रेसका चिरञ्जिवी कार्कीले उमेद्धारी घोषणा गरेका छन । आज बिर्तामोडमा पत्रकार भेटघाट कार्यक्रम मार्फत उनले उमेद्धारी घोषणा गरेका हुन ।
लामो सयम वैदेशीक रोजगारमा बसेर फर्किएका कार्कीले वडाबासीको चाहना र नेपाली काँग्रेसको वडा समितिको सर्वसम्मत सिफारिसमा आफुले उमेद्धारी दिएको उनले बताए । वडाको विकास र वडाबासीको सेवाका लागि विदेशमै रहँदा पनि निरन्तर काम गरेकाले आफुलाई मतदाताले मतदिने कुरामा विश्वस्त रहेको उनको दाबी छ । २०४६ सालमा नेपाल विद्यार्थी संघमा प्रवेश गरी काँग्रेसको राजनितिमा सक्रिय कार्की २०६५ सालमा वैदेशिक रोजगारीका लागि इजरायल पुगेका थिए त्यहीँबाट अमेरिका गई केही समय काम गरीसकेपछि नेपाल फर्कि पुनः राजनिति र समाज सेवामा सक्रिय भएको उनको भनाई छ ।
नेपाली काँग्रेसका तर्फबाट वडासदस्य पदका प्रत्यासीहरु धर्मेन्द्र सिटौला र सरस्वती खतिवडा सँगै पत्रकार भेटघाटमा उपस्थित भएका कार्कीले अमेरिका छोडेर अब नफर्किने गरी नेपाल आएको बताउँदै वडाबासीको सेवाका लागि आफु उमेद्धार बनेको स्पष्ट पारे । पत्रकार भेटघाट कार्यक्रममा नेपाली काँग्रेस बिर्तामोड ८ नं. वडा सभापती उत्तम कटुवालको उपस्थिती रहेको थियो ।
