बिर्तामोड १७ । बिर्तामोडमा प्रथम मेयर कप अन्तरपालिका स्तरीय कराते प्रतियोगिता हुने भएको छ ।
बिर्तामोड नगर खेलकुद बिकास समितीको आयोजनामा चैत्र १८ र१९ गते खेल प्रतियोगिता गरिने भएको समितीका अध्यक्ष टीका संग्रौलाले जानकारी दिए ।
बिर्तामोड,अर्जुरधारा,भद्र्पुर,कन्काई,शिवसताक्षी नगरपालिका र कमल,हल्दिवारी,बाह्रदशी,कचनकवल गाउँपालिका सहित आयोजक गरि १० वटा टिमले सहभागीता जनाउने खेल प्राबिधिक संयोजक एबम समितीका उपाध्यक्ष दुर्गाराज निरौलाले बताए ।
२५ देखि ५० केजि समुहका महिला तथा पुरुषले सहभागीता जनाउने खेलमा २ सय जना खेलाडीले भाग लिने आयोजकले बताएको छ।२२ जना राष्ट्रिय र अन्तर्राष्ट्रिय निर्णायकले सहजीकरण गर्ने खेलमा सिङ्गल काता तर्फ १८ जना महिला पुरुषले भाग लिने छन् ।
मैत्रीपुर्ण खेलका बिजेताले मेडल,ट्रफी र प्रमाणपत्र प्राप्त गर्ने अध्यक्ष संग्रौलाले जानकारी दिए ।
