बिर्तामोड । भट्टराई कुल वंश प्रतिष्ठान झापा जिल्ला समितिको चौथो जिल्ला अधिवेशन शनिबार झापाको बिर्तामोडमा सम्पन्न भएको छ।
भट्टराई कुल वंश प्रतिष्ठान केन्द्रिय अध्यक्ष शेरबहदुर भट्टराईको प्रमुख आतिथ्यतामा सम्पन्न अधिवेशनले आगामी तीन बर्षे कार्यकालको लागि बिर्तामोडका धर्मेन्द्र भट्टराईको अध्यक्षतामा नयाँ जिल्ला कार्यसमिति गठन गरेको छ।
नवगठित जिल्ला समितिको उपाध्यक्षमा गिरीराज भट्टराई दमक , महिला उपाध्यक्षमा शकुन्तला भट्टराई दमक, सचिवमा चन्द्रप्रसाद भट्टराई महाभारा , सहसचिवमा खिबराज भट्टराई हल्दीबारी र कोषाध्यक्षमा कृष्णप्रसाद भट्टराई अर्जुन धारा निर्विरोध निर्वाचित भएका हुन्।
यसैगरी सोही अधिवेशनले कुल प्रसाद भट्टराई कुसुम को संयोजकत्वमा तीन सदसीय लेखा समिति समेत निर्वाचित गरेको छ। समितिका सदस्यहरुमा जीवन भट्टराई र रुद्रप्रसाद भट्टराई रहेका छन्। कार्यक्रममा विभिन्न क्षेत्रमा उत्कृष्ट योगदान पुर्याउने व्यक्ति तथा संस्थाहरुलाई समेत सम्मान गरिएको थियो।
यसैक्रममा नन्दिकेशर भट्टराई अर्जुनधारा, प्रतिष्ठानका पूर्व जिल्ला अध्यक्ष लक्ष्मीप्रसाद भट्टराई, दमक नगर समितिका अध्यक्ष बुद्धि शेखर भट्टराई, झापाका उत्कृष्ट शाखा हरु मध्ये दुवागढी धाइजन शाखा, अक्षयकोषमा अमूल्य योगदान गर्ने रामप्रसाद भट्टराई, बिर्तामोड नगर समितिका सचिव मातृका भट्टराई लाई दोसल्ला सम्मानपत्र र रुद्राक्षको माला लगाई सम्मान गरिएको थियो। यसैगरी कुल वंश प्रतिष्ठानको जिल्ला अक्षयकोषमा योगदान गर्नेलाई समेत सम्मान गरिएको थियो।
प्रतिष्ठानका झापा जिल्ला अध्यक्ष गंगाप्रसाद भट्टराईको सभापतित्वमा सम्पन्न उद्घाटनसत्रमा बिर्तामोड नगर समितिका अध्यक्ष बुद्धिराम भट्टराई, प्रतिष्ठानका प्रदेश एकका अध्यक्ष चन्द्र बहादुर भट्टराई, सुनसरी जिल्ला अध्यक्ष कृष्ण भट्टराई, प्रतिष्ठानका केन्द्रीय सहअध्यक्ष दुर्गाप्रसाद भट्टराई र प्रमुख अतिथि केन्द्रीय अध्यक्ष शेरबहादुर भट्टराईले प्रतिष्ठान को गरिमा र महत्वको बारेमा प्रकाश पार्दै शुभकामना मन्तव्य राखेका थिए।
