६ चैत, झापा । बिर्तामोड ८ स्थित गरामनीमा ब्याक्तित्व बिकास तथा माईन्यूट लेखन तालिम शुरु भएको छ ।
ग्रिन मिडियाको आयोजना तथा समय संजाल मिडियाको समन्वय र बिर्तामोड नगरपालिकाको सहयोगमा ४५ जना महिला पुरुष सहभागी रहेको कार्यक्रम संयोजक बिष्णु प्रसाद भट्टराईले बताए ।
वडा भित्र रहेका १५ वटा टोल बिकास समितिका १/१ महिला पुरुष र जनप्रतिनिधिले सहभागीता जनाएका छन् ।
सहिद स्मृति भवन गरामनीमा आयोजित कार्यक्रमको उद्घाटन नगर उप प्रमुख पवित्रा महतरा प्रसाईले ब्यानर पढेर कार्यक्रमको उद्घाटन गर्दै प्रसाइले बिकासको मतलब भौतिक संरचना निर्माण मात्र नभइ समाज रुपान्तरणका लागि सवैलाइ यस्ता कार्यक्रममा सहभागी गराइ बालबालिका देखि बृद्ध सम्ममा व्याक्तित्वको बिकास गराउन सरकारले यस्ता कार्यक्रम गर्नुपर्ने बताइन ।
आफ्नो कार्यकालको करिब अन्त्यतिर आइपुग्दा रचनात्मक कार्यक्रम गर्न नगरपालिका सफल भएको बताइन् ।
कार्यक्रम संयोजक भट्टराईको अध्यक्षता रहेको कार्यक्रममा पत्रकार गोपाल काफ्ले ,एमाले नगर कमिटी अध्यक्ष सुभाष भट्टराई ,सचीव शेखर कडेल,बुद्धि भट्टराई जनप्रतिनिधि लगायतको उपस्थिति रहेको थियो ।
युवराज गौतमले संचालन गरेको तालिमको सहजीकरण समय सञ्जाल मिडियाका सञ्चालक सरोज पौडेलले गरिरहेका छन् ।
