○
बिर्तामोडमा शारीरिक अपाङ्गता भएका र बहिरा तर्फकाहरुलाई १५ दिने कपडाको प्याड तथा पेन्टी निर्माण सम्बन्धि तालिम सुरु भएको छ।

बिर्तामोड नगरपालिकाको सहयोग तथा संमुनत नेपालको आयोजनामा र लेखाजोखा केन्द्रको ब्यबस्थापनमा बिर्तामोड १ मा संचालित तालिममा १० जना अपाङ्गता भएका महिलाहरुको सहभागीता रहेको केन्द्र संयोजक प्रतिनिधि लुना शिवाकोटीले जानकारी दिइन् ।

Advertisement

शिक्षा युवा तथा खेलकुद शाखा अधिकृत केशर बहादुर खवासको अध्यक्षता रहेको कार्यक्रममा महिला बालबालिका शाखा युग भट्टराईले स्वागत गरेकी थिइन् ।
वडा नम्बर १ का वडाध्यक्ष अग्नि पाण्डेको प्रमुख आतिथ्यता रहेको कार्यक्रममा गणेश पौडेल ,मैयाँ शेर्मा,मनिता राउत,नेहा कार्की लगायतले शुभकामना राखेका थिए।
कार्यक्रममा बोल्दै वडाध्यक्ष पाण्डेले अपाङ्गता भएकाहरुलाई सामाजिक सम्मान गर्नु सबैको सामाजिक धर्म भएको बताए ।