बिर्तामोड २७ । बिर्तामोड नगरपालिका वडा नम्बर ८ का १ सय ५० जना वृद्ध बृद्दालाई तिर्थयात्रामा लिएर हिडेका छन् ।
नगर प्रमुख ध्रुब कुमार शिवाकोटी वडाध्यक्ष अजय कार्की ( जङ्गे)ले आज एक कार्यक्रमका बिच उनीहरुलाई बिदाई गरेका हुन् ।
झापा मोरङ हुँदै देवघाट शाश्वत धाम लगायतका धार्मिक तथा पर्यटकीय स्थलहरुको अवलोकन भ्रमण गराइने अध्यक्ष कार्कीले बताए । बिदाई कार्यक्रममा शुभकामना दिदै नगर प्रमुख शिवाकोटीले जेष्ठ नागरिक आफैमा तिर्थ भएकाले उनिहरुलाई सम्मान गर्ने बताए ।
पहिलो पटक वडाको नेतृत्वमा जेष्ठ नागरिकलाई तिर्थयात्रा गराएको भन्दै उनलेे जेष्ठ नागरिक चौतारी निर्माण लगभग प्रत्येक वडामा निर्माण गरिएको बताए । ३ दिन सम्मको यात्राका लागि वडाले ११ सदस्यीय समिति गठन गरेर सबैको समन्वय गरिएको कार्कीले जानकारी दिए ।
वडाध्यक्ष कार्कीले बिरामी अशक्त जेष्ठ नागरिक लगायतलाई वडाको तर्फबाट मात्रै नभएर ब्यक्तिगत रुपमा पनि विभिन्न रचनात्मक गतिविधि गर्दै आएका छन् ।
भ्रमणमा सहभागी जेष्ठ नागरिकले स्थानीय सरकारले घुमाउन लगेकोमा खुशी व्यक्त गरे।
