बिर्तामोड १८ । नेकपा एमाले बिर्तामोडका अध्यक्ष सुवास भट्टराईले स्थानीय तहको निर्वाचनलाई केन्द्रित गर्दै पार्टी कमिटी तथा जनबर्गिय कमिटी गठन र बिस्तार गरिरहेको बताएका छन् ।
बुधबार बिर्तामोडमा प्रेस चौतारी झापाले आयोजना गरेको पत्रकार सम्मेलन तथा बिर्तामोड नगरभेलालाई सम्बोधन गर्दै उनले पत्रकारले सकारात्मक र वास्तविक समाचार प्रकासन गर्नु व्यावसायिक धर्म भएकाले बिचलित नभइ काम गर्न आग्रह गरे ।
नगरको नयाँ नेतृत्व आएपछिको सबै गतिविधिहरु सार्वजनिक गरेका थिए । अध्यक्ष भट्टराईले वडादेखि टोलसम्म एमालेको संरचना निर्माण गरेको जानकारी दिए ।सोही अवसरमा उनले आगामी स्थानीय तहको निर्वाचनमा मेयर देखि वडा सदस्य सम्म एमालेले जित हासिल गर्ने र यसकालागी संगठन बिस्तार गरिसकिएको बताए ।
एमाले नगर पार्टी कार्यालयमा आयोजित कार्यक्रममा प्रेस चौतारी बिर्तामोड नगर कमिटी समेत गठन गरिएको छ । प्रेस चौतारी झापाका सहसचिव अच्युत सुवेदीको अध्यक्षतामा नगर कमिटी गठन गरिएको छ ।
प्रेस चौतारी नेपाल झापाका इञ्चार्ज मोहन काजीले कमिटी घोषणा गर्दै रचनात्मक रुपमा गतिविधिलाई अगाडि बढाउन आग्रह गरे। नयाँ कमिटीलाई एमाले झापाका प्रचार विभाग प्रमुख गोपाल काफ्लेले सपथग्रहण गराएका छन् ।
चौतारीका अध्यक्ष मनकुमार गदालको अध्यक्षतामा आयोजित कार्यक्रमको औचित्यमाथि प्रदेश अध्यक्ष गणेश पोखरेलले प्रष्टाएका थिए । चौतारीका सदस्य रमेश तिवारीले स्वागत गरेको कार्यक्रमको संचालन जिल्ला उपाध्यक्ष प्रदीप परियार गरेका थिए।
