बिर्तामोड १२ । समाजसेवी बहुउद्देश्यीय सहकारी संस्था बिर्तामोड–१ ले मोवाइल बैंकिङ सेवा शुरु गरेको छ ।
फिन स्माट फिनास्त्र मोबाइल बैंकिङ नामक सफ्टवेयरको आज एक कार्यक्रमका बिच सहकारीमा सुरु गरिएको छ । सूचना प्रविधिको उच्चतम् प्रयोग गर्दै आफ्ना शेयर सदस्यको सहजताका लागि मोबाइल बैंकिङ सेवा सञ्चालनमा ल्याएको संस्थाका अध्यक्ष लक्ष्मण दाहालले बताए ।
प्रथम आइटी सिस्टम प्रालिबिर्तामोडको प्राविधिक सहयोगमा सुचारु गरिएको मोबाइल बैंकिङ सेवा मार्फत् संस्थाका प्रत्येक शेयर सदस्यले संस्थाको कार्यालयमा नगएर पनि आफ्नो खातामा रहेको रकमबारे जानकारी लिन सकिने, खाताको विवरण हेर्न सकिने, आफ्नो खाताको रकम अर्को खातामा सार्न सकिने, रकम झिक्दा तथा जम्मा गर्दा मोबाइलमा म्यासेज आउने, मोबाइल रिचार्ज, फोन र इन्टरनेटको बिल रकम भुक्तानी गर्न सकिने , वालेट टपअप, खानेपानी, बिजुली, हवाई टिकटलगाएत सेवाको भुक्तानी गर्न सकिने प्रथम आइटीका प्रबन्ध निर्देशक भुपेन्द्र मैनालीले जानकारी दिए ।
संस्थाले बिर्तामोड, कनकाई ,अर्जुनधारा र राजगढका स्थान बाट सेवा दिदै आएको सचिव उमानाथ प्याकुरेलले बताए ।
आइटी सिस्टम प्रालिले मोवाइल बैकिङ सेवाका लागि ‘फिनास्त्र’सफ्टवेयर निर्माण गरेर पहिलो पटक रामजानकी सहकारीमा मोवाइल बैकिङ सेवा प्रयोग गरेको प्रथम आइटीका प्रशासकीय निर्देशक राज श्रेष्ठले जानकारी दिए ।
बितिय संस्थाको कारोबार र आवस्यकतालाई मध्य नजर गर्दै आगामी दिनमा एटीएम साथै अन्य प्रबिधिमैत्री सुबिधा उपलब्ध गराउने लक्ष्य प्रथमले लिएको समेत निर्देशक मैनालीले बताए ।
