सताक्षी प्रेसक्लबले ५ औं वार्षिक साधारणसभा तथा पत्रकार सम्मान कार्यक्रम शनिवार सम्पन्न गरेको छ । राष्ट्रिय रमणीय आदर्श मावि स्थित दुधे स्रोत केन्द्रमा भएको कार्यक्रममा शिवसताक्षी नगरका नगर प्रमुख चन्द्रकुमार शेर्माको प्रमुख आतिथ्यता रहेको कार्यक्रममा सताक्षी प्रेस क्लबका अध्यक्ष सेलिङ केसीले क्लबको ५ अौ वार्षिक प्रतिवेदन प्रस्तुत गरेका थिए।
कार्यक्रममा शिवसताक्षी नगरपालिका वडा नं ११ का साझामञ्च डट कमका सह- सम्पादक पत्रकार सरोज भट्टराईलाई खादा , प्रमाणपत्र नगद दस हजार सहित सम्मान गरिएको थियो ।
पत्रकार भट्टराईले सताक्षी प्रेस क्लवको भवन निर्माणकालागि आफुले पाएको पुरस्कारमा पाँच हजार थप गरि सताक्षी प्रेस क्लबका अध्यक्ष केसीलाई प्रदान गरे । नगरप्रमुख शेर्माले पत्रकारले सुचना र सञ्चारको माध्यमबाट जनतालाइ सुचनाको हकको प्रत्याभुती गराउन आग्रह गरे ।
- उनले नगर क्षेत्रभित्र निर्माण हुने प्रेस क्लवको भवन निर्माणमा नगरपालिकाले यथेष्ट सहयोग गर्ने प्रतिवद्धता जनाए ।
नेपाल पत्रकार महासंघ झापाका उपाध्यक्ष केशव भट्टराई नेकपा एमाले शिवसताक्षी नगर अध्यक्ष रोसन थोप्रा , नेकपा माओवादी केन्द्रका नगर अध्यक्ष महेन्द्र भट्टराई , प्रेस चौतारी झापाका अध्यक्ष मनकुमार गदाल , साहित्यकार विवष वलिभद्र कोइराला क्लवका पुर्व अध्यक्ष छवि दवाडी लगायतले शुभकामना राखेका थिए ।
