एमाले हल्दिवारीको अध्यक्षमा त्रिलोचन सापकोटा सर्वसम्मत

संवाददाता/ मङ्गलबार, कार्तिक १६, २०७८

झापा । नेकपा एमालेको हल्दिवारीको प्रथम अधिवेशनले अध्यक्षमा त्रिलोचन सापकोटालाई सर्वसम्मत गरेको छ । उपाध्यक्षमा महेश मेचे, सचिवमा सागर पोर्तेल र सहसचिवमा हरि अधिकारी, लक्ष्मी शिवाकोटीलाई सर्वसम्मत गरेको हो । २ दिनअघि सहमति भएपनि आज मात्रै सार्वजनिक गरिएको छ ।

पालिका कमिटीको ७५ सदस्य नै सर्वसम्मत भएको सापकोटाले जानकारी दिए । सर्वसम्मत भएका सापकोटा हल्दिवारी १ का वडाध्यक्ष समेत हुन् । युवा संघ झापाका पूर्व अध्यक्ष सापकोटा जिल्लाको युवा राजनीतिमा लोकप्रिय नेता हुन् ।

अध्यक्ष मण्डलका सदस्य डम्बर गिरीले पार्टीलाई एक ढिक्का बनाउन सर्वसम्मत नेतृत्व चयन गरिएको बताएका छन् ।