१५ कार्तिक, बिर्तामोड । नेकपा एमालेको बिर्तामोड नगर कमिटीको नगर अध्यक्ष पदका लागि २ जना बिच निर्वाचन हुने भएको छ ।
जसरी पनि सहमतिमै नेतृत्व चयन गर्ने प्रयास असफल भएपछि मंगलबार निर्वाचनको तय गरिएको निर्वाचन आयुक्त डम्बर बस्नेतले जानकारी दिए ।
अध्यक्ष पदका प्रत्याशी उम्मेद्बार सुभाष भट्टराई र उमानाथ ओलि बिचमा प्रतिस्पर्धा हुने भएको हो ।
भट्टराई युवा ब्यवसायी माझ लोकप्रिय छन भने ओली शैक्षिक बौद्धिक ब्याक्तित्वका रुपमा परिचीत छन् । अध्यक्ष पदको आकांक्षि नगेन्द्र संग्रौला र कृष्ण मिश्रले सहमतिका लागि उम्मेद्बारी फिर्ता लिएका छन् ।
उपाध्यक्षमा पुष्पा दाहाल र उर्मिला बिमली खरेल रहेका छन् ।यस्तै सचीवमा किशोर कुमार पौडेल , शंकर ढुंङेल, शेखर कडेल, राजु शिलवालले उम्मेद्बारी कायम राखेका छन् भने रमेश खरेलले फिर्ता लिएका छन् ।
उपसचिवका लागि केशब भण्डारी ,पारश संग्रौला , डिल्लीराम सुब्बा ,मदन बुढाथोकी, प्रदीप खरेल , प्रकाश लिङ्देन ,कान्ति बहादुर कार्की तारा प्रसाद चापागाईंप्रतिस्पर्धामा रहेका छन् भने तिलक गजमेर,ओसिन तामाङ ,अजय प्रकाश लिङ्देन ,टहलदास ओलिले उम्मेद्बारी फिर्ता लिएको निर्वाचन समिति सदस्य उमानाथ प्याकुरेलले जानकारी दिए । उम्मेद्बारी भोलि बिहान ८ बजेसम्म फिर्ता लिन सक्ने निर्वाचन समितिले जनाएको छ ।
वडा अधिवेशनबाट छानिएका ४६१ जना प्रतिनिधिले नगर अधिवेशनमा भाग लिनेछन् । मंगलबार बिहान ११ बजेबाट हुने निर्वाचनबाट एक अध्यक्ष , एक उपाध्यक्ष , एक सचिव र दुई उपसचिवसहित ७५ सदस्यीय नगर समिति चयन गर्नेछन् ।
