असार २१, झापा । झापामा दश दिनलाई निषेधाज्ञा थप गरिएको छ ।
सोमबार बसेको डिसीसीएमसी झापाको बैठकले मंगलबारदेखि आगामी असार ३१ गतेसम्मका लागि निषेधाज्ञा थप गरिएको हो ।
जिल्लामा कोरोना संक्रमण दर बढे पनि थप जोखिम कम गर्न निषेधाज्ञा बढाईएको डिसीसीएमसी जनाएको छ ।
होटल तथा रेष्टुरेन्ट र पसल सञ्चालनको हकमा अत्यावश्यक सेवाका वाहेकका पसलहरु विहान ६ बजेदेखि दिउँसो ५ बजेसम्म स्वास्थ्य मापदण्ड पालना गरी सञ्चालन गर्न दिने डिसीसीएमसीले निर्णय गरेको छ ।
सरकारी, सार्वजनिक संस्थान, बीमा लगायतका कार्यालयहरुले स्वास्थ्य मापदण्डको पूर्णरुपमा पालना गरी भीडभाड नगराई आलोपालो प्रणाली अपनाइ सञ्चालन गर्न दिने भएको छ ।
सभा, सम्मेलन, सेमिनार, गोष्ठी, जुलुस लगायतका कार्य गर्न रोक लगाईएको छ भने घर बाहिर निस्कदा मास्क अनिवार्य लगाउनु पर्नेछ ।
सरकारी, सार्वजनिक संस्थान, बीमा लगायतका कार्यालयहरुले स्वास्थ्य मापदण्डको पूर्णरुपमा पालना गरी भीडभाड नगराइ आलोपालो प्रणाली अपनाइ सञ्चालन गर्न दिने भएको छ ।
