झापा । झापाको कनकाई माई पूर्वी टत (कनकाई घाट) मा दुईजना बालकलाई लास पोल्ने काममा प्रयोग गरिदैँ आएको समाचार संचार माध्यममा प्रकाशित भएपछि नगर बाल संजाल घटनास्थल पुगेको छ।
झापाबाट प्रकाशन हुँदै आएको आम संचार र समय संजाल डटकममा समाचार आएको थियो । घाट समितिले राखेको एकजना कर्मचारी योगराज धमलाले आर्थिक प्रलोभनमा पारेर ती बालकहरुलाई लास पोल्ने काममा लगाउने गरेको बुझिएको छ ।
कनकाई नगर बाल संजालले उक्त समाचारलाई आधार मानेर सो ठाउँको अनुगमन गरेको छ । साथै आउँदा दिनमा यस किसिमका काममा बालबालिकालाई प्रयोग नगर्न सचेत गराएको संजालका अध्यक्ष खेमराज चापागाईंले बताए ।
हाल ती बालकलाई घाटबाट अलग गरिएको छ । साथै उनीहरुको आवासको व्यवस्थापन गरि दिर्घकालिन व्यवस्थापनको लागि आम सरोकारवाला निकायलाई अनुरोध गरिएको सचीव प्रतिमा आचार्यले बताइन् ।
संजालले एक विज्ञप्ति जारि गर्दै बालमैत्री वातावरण निर्माण गर्न समेत अनुरोध गरेको छ।
