जेठ २७,झापा। झापाको शिवसताक्षी नगरपालिकामा कोरोना संक्रमितको संख्या २९८ पुगेको छ । जसमा ६८ महिला र ८१ पुरुष गरी १४९ कोरोना जितेर निको भएका शिवसताक्षी नगरपालिका स्वास्थ्य शाखाले जनाएको छ ।
हाल ६८ महिला र ८१ पुरुष गरी १४५ जना संक्रिय संक्रमित रहेका छन् । नगरमा कोरोना भाइरसको दोेस्रो लहरसँगै ४ जना संक्रमितले ज्यान गुमाइ सकेको नगरपालिकाले जनाएको छ ।
आज शिवसताक्षी नगरपालिकाको कोभिड अस्पतालमा उपचारत रहेका ४ जना डिस्चार्ज भएका छन् । उनीहरुको स्वास्थ्यमा सुधार आएपछि डिस्चार्ज गरिएको नगरका कोभिड फोकल पर्सन रोसन अधिकारीले जानकारी दिए ।
त्यसैगरी, आज नगरको कोभिड अस्पतालमा गरिएको एन्टिजेन परीक्षणमा ५ जनालाई कोरोना पोजेटिभ देखिएको छ । फोकल पर्सन अधिकारीका अनुसार नगरका विभिन्न वडाका रुघा, सामान्य ज्वरो आएका १७ जनामा गरिएको परीक्षणमा वडा नं ७ का २ जना र वडा नं १० का ३ जनामा कोरोना पोजेटिभ देखिएको हो ।
नगरपालिकाले कोभिड अस्पतालमा प्रत्येक हप्ताको सोमबार र विहीबार एन्टिजेन परीक्षण गर्दै आएको छ ।
