जेठ २३,काठमाडौं । प्रधानमन्त्री केपी शर्मा ओलीले तीन वर्ष चार महिनाका अवधिमा १६ औं पटक मन्त्रिमण्डल पुनर्गठन गरेकाछन् भने ५९ जनालाई मन्त्री बनेका छन्। प्रधानमन्त्री ओली आफैं भने दुईपटक प्रधानमन्त्री बनेका छन् ।

प्रतिनिधिसभा विघटन गरेर निर्वाचनको मिति सार्वजनिक गरेको विरुद्धमा सर्वोच्च अदालतमा दायर रिटमा सुनुवाइ हुनुअघि नै जनता समाजवादी पार्टीका अध्यक्ष महन्त ठाकुर समूहलाई समावेश गरी उनले १६ औं पटक मन्त्रिमण्डल पुनर्गठन गरेका हुन् ।

Advertisement

प्रधानमन्त्री ओलीले आफ्ना पार्टीका अधिकांशलाई हटाएर जसपालाई समावेश गरी १६ सदस्यीय मन्त्रीमण्डल पुनर्गठन गरेका छन् । वि.सं.२०७४ को फागुन ३ मा नेकपाको झण्डै दुई तिहाइ बहुमतसहित ओली प्रधानमन्त्रीमा नियुक्त भएका थिए । यो खबर नेपाल समाचारपत्र दैनिकमा छ ।