मेचीनगर। मेचीनगर नगरपालिकाले नगरभित्रका कोभिड १९संक्रमित नागरिकका लागि निःशुल्क एक्स–रे सेवा सञ्चालन गरेको छ ।
मेचीनगर नगरपालिकाले आफ्नो नगरभित्रका कोभिड १९ संक्रमितहरुलाई मध्यनजर गदैं नगरभित्र एक्स–रे सेवा सञ्चालन गरेको हो ।
पिसिआर रिपोट पोजेटिभ आएका बिरामी मध्ये एक्स–रे गराउन चाहनेले दैनिक अपरान्ह ३ बजेदेखि ५ बजेसम्म मेचीनगर—१० स्थित आम्दा मेची अस्पताल धुलावरीमा एक्स–रे गराउन सक्ने कोभिड १९ कार्यदलको सचिवालयका सचिव अनन्तप्रकाश वस्तीले जानकारी दिनुभयो ।
कोभिड १९ संक्रमितमा निमोनिया छ कि छैन भनेर परीक्षण गर्न छातीमा संक्रमणको निदान गर्न एक्स–रे अनिवार्य भए पनि नगरमा एक्स–रे मेसिन नभएपछि धेरै विरामी एक्स–रे गर्नकै लागि मेची प्रादेशिक अस्पताल भद्रपुरसहित अन्य निजी अस्पताल धाउन बाँध्य थिए । अब भने यो समस्य टरेको छ ।
एक्स–रे गराउनले अग्रिम नाम दर्ता गरी ३ बजेदेखि ५ बजेसम्म एक्स–रे गराउन सकिने र एक्स – रे वापत कुनै शुल्क तिर्नु नपर्ने मेचीनगरका प्रेस संयोजक लक्ष्मी उप्रेतीले जानकारी दिनुभयो ।
संक्रमित भएर होम आइसोलेशनमा बसेका बिरामीहरुलाई छातीको संक्रमण हुने र अवस्था गम्भीर हुन थाले पछि संक्रमण पुष्टि हुनासाथ छातीको एक्स —रे गराउनु पर्ने चिकित्सकहरुले सुझाव दिन थालेका छन ।
तर, छातीमा संक्रमणको निदान गर्न एक्स–रे अनिवार्य भए पनि नगरमा एक्स–रे मेसिन नभएपछि धेरै विरामी मारमा परेका थिए ।
