झापा । कोभिड १९ को बढ्दो संक्रमणलाई रोकथाम गर्न झापामा गएरातिदेखि आगामी २६ गतेसम्म आंशिक निषेधाज्ञा जारी गरीएको छ । निषेधाज्ञा जारी गर्दै जिल्ला प्रशासन कार्यालय झापाले उक्त अवधिमा अत्यावश्यक कामबाहेक घरबाहिर ननिस्कन आग्रह गरेको छ ।
प्रशासनले निषेधाज्ञा जारी गर्दै यातायात क्षेत्रमा जोर बिजोर प्रणाली कार्यान्वयनमा ल्याएको छ । विहानदेखि सवारी साधनहरु आंशिक रुपमा संचालन भइरहेको छ ।
निषेधाज्ञाको पहिलो दिन आज जोर नंबरप्लेट भएका सवारी साधनको पालो परेको छ । जील्लामा बिहान ११ बजेसम्म निषेधाज्ञा उल्लंघन गर्ने १ सय ९७ वटा दुईपांग्रे र २५ वटा चारपांगे सवारी होल्ड गरेर राखीएको जील्ला ट्राफिक प्रहरी कार्यालय झापाका प्रमुख निषेश चापागाईले समय सञ्जाललाई बताउनुभयो ।
चापागाईले निषेधाज्ञा सवैको स्वास्थ्य सुरक्षाका लागी जारी गरीएकाले अत्यावश्यक कामबाहेक बाहेक अन्य समयमा घरमै बसेर प्रहरीलाई सहयोग गर्न अपिल गर्नुभयो ।
यसैबिच , निषेधाज्ञामा जिल्ला प्रशासन कार्यालयले आफ्नो कार्यालयमा अत्यावश्यक बाहेकका सबै सेवाहरू बन्द गर्ने निर्णय गरेको छ ।
जिल्लामा कोरोना संक्रमण तीब्र गतिमा फैलन थालेको ठहर गर्दै प्रशासनबाट दिइने अत्यावश्यक बाहेकका अन्य सबै सेवा एक हप्ताका लागि बन्द गर्ने निर्णय गरेको हो ।
