विर्तामोडमा एकैदिन तीन वटा वडामा अधारभूत स्वास्थ्य केन्द्र भवनको शिलान्यास

संवाददाता/ बुधबार, बैशाख ०८, २०७८

झापा । विर्तामोड नगरपालिकाले आज एकैदिन तीन वटा वडामा अधारभूत स्वास्थ्य केन्द्र भवनको शिलान्यास गरेको छ ।

नगर प्रमुख ध्रुव कुमार शिवाकोटीका अनुसार वडा नं ७, ९ र १० मा आधारभूत स्वास्थ्य केन्द्रको लागि भवन शिलान्यास गरिएको हो ।

स्थानीय जग्गादाताहरुले जग्गा सहयोग गरेपछि नगरले भवनको शिलान्यास गरेको हो । वडा नं ७ खालवाडी क्षेत्रमा १५ कठ्ठा जग्गा सहयोग प्राप्त भएको छ । यहाँ वडा कार्यालय समेत निर्माण गर्ने गरी तयारी गरिएको छ ।

यस्तै, वडा नं ९ मा आधारभूत स्वास्थ्य केन्द्रको भवन निर्माणका लागि सोमप्रसाद पाठकले २ कठ्ठा ५ धुर जमिन उपलब्ध गराउनुभएको छ । वडा नं १० मा श्रीप्रसाद शिवाकोटीले २ कठ्ठा जग्गा सहयोग गर्नुभएको छ ।

तीन वटा भवनको प्रदेश सांसद् एकराज कार्की र नगर प्रमुख धु्रव कुमार शिवाकोटीले शिलान्यास गर्नुभएको हो ।