झापाको बिर्तामोड-६ मा स्थित एभरेष्ट स्मार्ट स्कुलमा एक दिने एभरेष्ट स्काउट क्याम्प फायर कार्यक्रम मंगलबार साँझ सम्पन्न भएको छ ।
विद्यालयका प्रधानाध्यापक अनुप शर्माको अध्यक्षतामा भएको कार्यक्रमको प्रमुख अतिथि बिर्तामोड-६ का वडाध्यक्ष सुर्यप्रसाद कन्दङ्वा रहेका थिए ।
बालबालिकाहरुले सिकेको कुरालाई व्यवहारमा उतार्नका साथै उनीहरुलाई सक्षम र अबल बनाउने उद्देश्यले कार्यक्रमको आयोजना गरिएको हो ।
उक्त अवसरमा विद्यार्थीले नेट क्रसिङ, जीप लाईन, ब्याम्बो वाक, ल्याडर क्रसिङ, टच द टार्गेट लगायतका विभिन्न स्काउट क्रियाकलापमा सहभागिता जनाउनुका साथै क्याम्प फायरमा हरेक पेट्रोलले आ-आफ्ना प्रस्तुती प्रस्तुत गरेर उपस्थितहरुलाई मनोरञ्जन समेत गराएका थिए ।
कार्यक्रममा प्रमुख अतिथि बिर्तामोड-६ का वडाध्यक्ष कन्दङ्वा, बिर्तामोड नगरपालिकाका शिक्षा शाखा अधिकृत जानुका रेग्मी, न्युटन्स एजुकेसन एकेडेमीका प्रिन्सिपल देवेन्द्र हुमागाईं, मनोपरामर्शदाता ईश्वर श्रेष्ठ लगायतले आ-आफ्ना राखेका थिए ।
विद्यालय व्यवस्थापन समितिका अध्यक्ष तथा निर्देशक आशिस प्रसाईंले स्वागत गरेको कार्यक्रमको सञ्चालन प्राइमरी इन्चार्ज शिक्षक सावित्रा भट्टराईले गरेकी थिइन् ।
