शिक्षा, विज्ञान तथा प्रविधि मन्त्री महावीर पुनले शिक्षकले तलब नपाएकोबारे अनुसन्धान सुरु गरेका छन् ।

मन्त्री पुनलाई शिक्षकहरूले दसैँ, तिहार र छठ पर्वमा पनि पालिकाले तलब नदिएको गुनासो गरेपछि अनुसन्धान सुरु गरेको उनले बताएका छन् ।

Advertisement

मन्त्री पुनले भने, ‘शिक्षा मन्त्रालयले सबै पालिकाहरुलाई पैसा पठाई सकेको रहेछ । यस्तो बेथिति कसरी भयो भन्ने कुरामा अनुसन्धान गर्दैछु र सो बेथितिको समाधानको उपाय खोज्दैछु ।’

तलब नपाएको भनेर सबैभन्दा धेरै गुनासो मधेशबाट आएको मन्त्री पुनले बताए । ‘तलब पाइएन भनेर मलाई सबै भन्दा धेरै फोन मधेशबाट आएको छ । वर्ष दिनमा आउने दशैंं, तिहार र छठ पर्व जस्तो महान चाडवाडको बेलामा पनि पालिकाले ढिलासुस्ती र अनेक बहाना देखाई तलव नखुवाएको ५०० भन्दा बढी गुनासो मलाई फोन बाट र इमेलबाट आयो,’ उनले भनेका छन् ।