बिर्तामोडमा अवस्थित न्यूटन्स एजुकेशन एकाडेमी र एभरेष्ट स्मार्ट एजुकेशन एकाडेमीले विजयादशमीको अवसर पारेर शुभकामना आदनप्रदान कार्यक्रम सम्पन्न गरेका छन् ।
न्यूटन्स र एभरेष्टले संयुक्त रुपमा विजयादशमीको अवसरमा अभिभावकसहित समाजका सामाजिक व्यक्तित्वहरुको उपस्थितिमा शुभकामना आदानप्रदान कार्यक्रम आयोजना गरेको हो ।
विद्यालयका प्रधानाध्यापक देबेन्द्र हुमागाईले सहभागीहरुलाई स्वागत गर्दै शिक्षामा रचनात्मक सुधार गर्न शिक्षा सेवी स्व.हरिकुमार प्रसाईले दुई वटै विद्यालय स्थापना गरेको स्मरण गर्दै देशको परिस्थिति अलि फरक भएकाले संयमित भएर दशैं मनाउन आग्रह गरेका थिए ।
विद्यालयकी संस्थापक धर्मा पराजुली प्रसाईंको अध्यक्षता भएको कार्यक्रममा बिर्तामोड नगरपालिका शिक्षा शाखा प्रमुख तीलचन भण्डारीको प्रमुख आतिथ्यता रहेको थियो ।
विद्यालयका डाईरेक्टर आशिष प्रसाईं, बिर्तामोड नगरपालिका वडा नं.६ का वडाध्यक्ष सूर्यप्रसाद कन्दङ्वा, वडा नं.५ का वडाध्यक्ष रोहित प्रसाईं, बिर्तामोड नगरपालिकाकी शिक्षा शाखा अधिकृत जानुका गुरागाई, नेपाल पत्रकार महासंघ झापाका उपाध्यक्ष सुब्रत न्यौपाने, एभरेष्ट स्मार्ट स्कुल व्यवस्थापन समिती सदस्य निरु उप्रेती लगायतले शुभकामना मन्तव्य राखेको कार्यक्रमको सञ्चालन लिला अनमोलले गरेकी थिइन् ।
