विद्यार्थी माझ पठनपाठनमा अग्रताका साथै रचनात्मक कार्य गर्दै आएको आदर्श स्कुल अफ म्यानेजमेन्ट बिर्तामोडले तीज विशेष कार्यक्रम पृथक तरिकाले मनाएको छ ।
आदर्श स्कुलको आयोजना, सुरुवाती कोठा नेपाल झापा, बिर्तामोड नगर अस्पताल, बिर्तामोड नगरपालिका वडा नं.३ लगायतको संयोजनमा छात्रा विद्यार्थीका लागी प्रजनन स्वास्थ्य अधिकार र पाठेघरको मुखको क्यान्सर बारेमा सचेतना तथा विविध सांस्कृतिक कार्यक्रम गरेर तीज विशेष कार्यक्रम मनाएको हो ।
कलेजका प्रकरण विभाग प्रमुख अनुशा ढकालको अध्यक्षतामा भएको कार्यक्रमका प्रमुख अतिथि बिर्तामोड नगरपालिका वडा नं.३ का वडाध्यक्ष मदन बुढाथोकीले विद्यार्थीहरुलाई नयाँ-नयाँ सिकाईका कुरामा आदर्श स्कुल सधैं आगाडी रहेको बताए ।
बिर्तामोड नगर अस्पतालका डाक्टर हेमन्त राठीर, नर्सिङ इन्चार्ज ओमकुमारी गुरुङले प्रजनन स्वास्थ्य, गोपनियताको हक, पाठेघरको मुखको क्यान्सरको अवस्था, भाक्सिन, नगर अस्पतालले दिने सेवा सुबिधाको बारेमा जानकारी गराएका थिए ।
कलेजका शिक्षक इन्दिरा खडकाले स्वागत गरेको कार्यक्रमको सञ्चालन कलेजका विद्यार्थी भर्ना प्रमुख दीपक दासले गरेका थिए ।
