झापाको बिर्तामोड नगरपालिका वडा नं.१ ले प्राविधिक शिक्षा अध्ययन गर्ने विद्यार्थीलाई छात्रवृत्ति प्रदान गर्ने भएको छ ।

वडा कार्यालयले यस आर्थिक वर्षदेखि बिर्तामोड नगरपालिका-२ मा अवस्थित मोहनमाया माध्यमिक विद्यालयमा प्राविधिक शिक्षा डिप्लोमा इन सिभिल इन्जिनियरिङमा अध्ययनरत दुईजना विद्यार्थीलाई प्रत्येक वर्ष नि:शुल्क अध्ययन गर्न आवश्यक बजेटको व्यवस्थापन गरेको हो ।

Advertisement

बिर्तामोड नगरपालिका-१ वडाध्यक्ष अग्निप्रसाद पाण्डे र विद्यालयका प्रधानाध्यापक शेरबहादुर श्रेष्ठले बजेटको व्यवस्थापनको सम्झौता पत्रमा हस्ताक्षर गरी एकअर्कामा हस्तान्तरण गरेका छन् ।

यसैबीच विद्यालयले वडाध्यक्ष पाण्डे र वडा कार्यालय परिवारप्रति धन्यवाद व्यक्त गरेको छ ।