बिर्तामोडका शिक्षासेवी गुरुभक्त न्यौपानेको निधन भएको छ ।

कन्चनजंघा अंग्रेजी आवासीय माध्यमिक विद्यालयका संस्थापक प्राचार्य न्यौपानेको ६६ वर्षको उमेरमा आज बिहान ७:४० बजे निधन भएको हो ।

Advertisement

उनी केही समयदेखि अस्वस्थ रहेका थिए । बीएण्डसी अस्पतालमा भर्ना गरिएका न्यौपानेलाई हिजो घर ल्याइएको थियो । विभिन्न शिक्षण संस्थामा अध्यापन गरेका न्यौपानेले शैक्षिक क्षेत्रमा ठूलो योगदान दिएका छन् ।

उनी दुर्गा माध्यमिक विद्यालयका प्रधानाध्यापक र विराट ज्योति अंग्रेजी माविका संस्थापक प्रिन्सिपलसमेत रहेका थिए । उनले जिल्लाका विभिन्न विद्यालयमा छात्रवृतिका लागि अक्षय कोष स्थापना गरिदिएका थिए ।