चारआली जेसिजले कृष्ण प्राथमिक विद्यालयमा मंगलबार शैक्षिक सामाग्री वितरण गरेको छ ।
जेसीजले अन्तराष्ट्रिय युवा दिवसको अवसरमा ज्ञानको ज्योती शैक्षिक सामाग्री वितरण अभियान अन्तरगत मेचीनगर नगरपालिका वडा नं.१४ मा अवस्थित कृष्ण प्राविमा शैक्षिक सामाग्री वितरण गरेको हो ।
अभुदय बिल्डर्स, दर्पण कापी उद्योग, प्रेष्टिज डिजाईन एण्ड बिल्डर्सको आर्थिक सहयोगमा जेसीजले विद्यालयमा अध्ययनरत ९४ जना विद्यार्थीहरुलाई झोला, कापि र पेन्सील वितरण गरेको छ ।
चारआली जेसिज वर्ष २०२५ का अध्यक्ष सुजुप सुवेदीको अध्यक्षतामा भएको कार्यक्रमको प्रमुख अतिथि मेचीनगर नगरपालिका वडा नंं.१४ का वडाध्यक्ष बाबुलाल सुब्बा रहेका थिए ।
उक्त अवसरमा कार्यक्रमका प्रमुख अतिथि वडाध्यक्ष सुब्बा, विद्यालय व्यवस्थापन समितिका अध्यक्ष अनिलप्रसाद ढुंगाना, विद्यालयका प्रधानाध्यापक सिताराम थापा, चारआली जेसिजका पूर्व अध्यक्ष तथा वर्ष २०२५ का प्रमुख अध्यक्ष सल्लाहकार संगीत शिवाकोटी लगायतले शुभकामना मन्तव्य राखेका थिए ।
मानवीर राजवंशीको संयोजकत्मा भएको कार्यक्रममा मेचीनगर नगरपालिका वडा नं.१४ का वडा सदस्य दिपक सुवेदी, वडा सदस्य लाल महमत मिया, जेसिजका पूर्व अध्यक्ष, पदाधिकारी तथा सदस्य लगायतको उपस्थिति रहेको थियो ।
कानुनी सल्लाहकार विवेक सुन्दासले आस्था पाठ गरेको कार्यक्रमको सञ्चालन उपाध्यक्ष निशान गौतमले गरेका थिए ।
