बिर्तामोडस्थित चिल्ड्रेन इन्भारोमेन्ट स्कुलमा अध्ययनरत छात्रा राधिका अग्रवालको निधन भएको छ ।

चार तले घरको कौशिमा खेल्ने क्रममा झरेर घाइते उनको काठमाडौँस्थित एक अस्पतालमा उपचारका क्रममा आइतबार राति ११ बजे मृत्यु भएको हो ।

Advertisement

कक्षा १० मा अध्ययनरत राधिका परिक्षा पछिको बिदा मनाउन साउनको पहिलो हप्ता काठमाडाैँमा रहेका आफन्तको घर गएकी थिइन् ।

राधिका पढाइ सँगसँगै नृत्यमा अब्बल विद्यार्थी हुन् । उनले जिल्लास्तरिय पुरस्कारहरु जित्नुका साथै उद्घोषण कला र अन्य अतिरिक्त क्रियाकलापमा समेत अब्बल रहेकी थिइन् ।

पारिवारिक स्रोतका अनुसार उनको दाहसंस्कार काठमाडौँमै सोमबार गरिने जनाइएको छ ।

यसैबीच राधिकाको निधनको शोकमा आज विद्यालय बन्द रहेको छ ।