नेपाल शिक्षक महासंघले शिक्षा विधेयक जारी गर्न सरकारलाई दिएको ‘अल्टिमेटम’ बुधबार सकिएको छ ।
शिक्षक महासंघले साउन २१ अघिसम्ममा शिक्षा विधेयक पारित गर्न सरकारलाई साउन २ गते पत्रकार सम्मेलन गर्दै अल्टिमेटम दिएको थियो ।
महासंघका महासचिव तुलाबहादुर थापाले पत्रकार सम्मेलनमै साउन २१ अघि शिक्षा विधेयक पारित नभएमा कडा रुपमा सडक आन्दोलन गर्ने चेतावनी दिएका थिए । तर उक्त समयमा सरकारले शिक्षा विधेयक जारी गरेको छैन् ।
सरकार र नेपाल शिक्षक महासंघबीच वैशाख १७ गते असार १५ गतेभित्र शिक्षा विधेयक जारी गर्नुपर्नेसहित ९ बुँदे सहमतिपछि शिक्षकहरू २९ दिनसम्म चलेको आन्दोलन छाडेर घर फर्किएका थिए तर असार १५ भित्र पनि शिक्षा विधेयक जारी हुन सकेन ।
हालसम्म पनि शिक्षा विधेयक प्रतिनिधिसभाको शिक्षा, स्वास्थ्य तथा सूचना प्रविधि समितिमै विचाराधीन छ । शिक्षा विधेयकमाथि समितिमा लामो समयदेखि छलफल नै हुन सकेको छैन ।
