झापाको मेचीनगरमा विद्यार्थी बोकेको स्कुल भ्यान दुर्घटना भएको छ ।

मेचीनगर नगरपालिका वडा नं.९ खुट्टिडाँगीमा रहेको पारिजात पब्लिक स्कुलको गाडी दुर्घटना हुँदा १८ जना विद्यार्थी घाइते भएका छन् ।

Advertisement

आज बिहान साढे ९ बजे विद्यार्थी बोकेको उक्त भ्यान स्थानीय टिमाई खोल्सीमा खसेको हो । घाइते विद्यार्थीलाई स्थानीयको सहयोगमा उद्धार गरी तत्काल धुलाबारीस्थित आम्दा मेची अस्पताल पठाइएको थियो ।

जसमा चालकसहित ६ जना घाइते विद्यार्थीलाई थप उपचारका लागि बिर्तामोडस्थित बीएन्डसी अस्पताल पठाइएको प्रहरीले जनाएको छ । अन्य विद्यार्थीको भने आम्दामै उपचार भइरहेको छ ।