झापाको बिर्तामोड-४ स्थित गोमेन्द्र बिर्ता मोडल स्कुलले सिद्धार्थ शिशु सदन स्कुल भद्रपुरका विद्यार्थीलाई स्वागत सम्मान गर्दै डिएचएम र बिएचएमका विषयमा सहजीकरण गराएको छ ।
स्कुलले आज एक कार्यक्रमको आयोजना गरी कक्षा १२ मा होटल म्यानेजमेन्ट अध्ययन गरिरहेका सिद्धार्थका ५० भन्दा बढी विद्यार्थीहरूलाई डिएचएम र बिएचएम किन पढ्ने र यसका फाइदाहरु के छन् भन्ने विषयमा जानकारी प्रदान गरेको हो ।
भारतको पाँचतारे मेरियट होटलको एक्जिक्युटीभ सेफ आसुतोष कुमारले विद्यार्थीहरूलाई सम्बन्धित विषयको बारेमा जानकारी प्रदान गरेका थिए ।
१५ वर्षभन्दा बढी अनुभव बटुलेका आशुतोषले विद्यार्थीहरूलाई सैद्धान्तिक ज्ञानका विषयमा जानकारी दिएका हुन् । डीएचएम गर्न इच्छुक विद्यार्थीहरूलाई लक्षित गरेर यो कार्यक्रम गरिएको विद्यालयका निर्देशक उत्तम खनालले बताए ।
उनले भारतको मेरियट होटलसँग स्कुलले सम्झौता गरेको र विद्यार्थीहरुलाई ६ महिना यहाँ सैद्धान्तिक कक्षा पश्चात प्रयोगात्मक परीक्षाका लागि सम्झौता भएको मेरियट होटलमा लगेर काममा लगाइने बताएका छन् ।
उक्त कार्यक्रमको सञ्चलन विद्यालयका भाइस प्रिन्सिपल तीर्थ दाहालले गरेका थिए ।
