वीरता लेडी जेसीजले ‘जेसीज सप्ताह’ अन्तरगत दोस्रो दिन अन्तर माविस्तरीय वादविवाद प्रतियोगिता सम्पन्न गरेको छ ।
के सामाजिक सञ्जाल सकारात्मक परिवर्तनलाई प्रेरित गर्ने र सृजना गर्ने उत्तम प्ल्याटफर्म हो? भन्ने विषयमा भएको प्रतियोगितात्मक वादविवादमा निदि माध्यमिक विद्यालयकी कक्षा १२ मा अध्ययनरत छात्रा सोफिया खड्का प्रथम भएकी हुन् ।
त्यस्तै न्युटन्स एजुकेशन एकाडेमीकी कक्षा ९ मा अध्ययनरत छात्रा अन्वेशा ढुङ्गेल द्वितीय, एमिटी एजुकेशन फाउन्डेशनका कक्षा १२ मा अध्ययनरत छात्र प्रज्ञान दाहाल तृतीय र तक्षशिला एजुकेशनकी कक्षा ९ मा अध्ययनरत छात्रा जेसीका श्रेष्ठले सान्तवना स्थान हात परेका छन् ।
प्रतियोगिताका विजेता प्रथमलाई पाँच हजार, द्वितियलाई तीन हजार, तृतीयलाई दुई हजार र सान्तवनालाई एक हजार नगद र प्रमाणपत्र प्रदान गरिएको थियो । प्रतियोगताको निर्णायकमा भूमि खतिवडा र शेखर पाण्डे रहेका थिए ।
वीरता लेडी जेसीजकी अध्यक्ष निशा शाक्यको अध्यक्षता तथा बिर्तामोड नगरपालिका वडा नम्बर ५ का वडाध्यक्ष रोहित प्रसाईंको प्रमुख आतिथ्यता रहेको थियो ।
वीरता लेडी जेसीजकी सदस्य तारा रिजालले आस्था वाचन र जनसम्पर्क अधिकारी पारू श्रेष्ठले मिसन भिजन बाचन गरेका थिए । कार्यक्रममा जेसीज सप्ताह मूल संयोजक तथा वीरता लेडी जेसीजकी निवर्तमान अध्यक्ष मेनुका ओलीले औचित्यमाथि प्रकाश पारेको कार्यक्रममा कार्यक्रम संयोजक तथा तालिम संयोजक कोपिला पोख्रेलले स्वागत मन्तव्य राखेकी थिइन् ।
उक्त कार्यक्रममा न्युटन्स एजुकेसन एकेडेमीका प्रिन्सिपल देवेन्द्र हुमागाई, एमिटी एजुकेशन फाउण्डेसनका प्रिन्सिपल आरएस ढकाल, गोमेन्द्र बिर्तामोडल स्कूलका प्रिन्सिपल उत्तम खनाल, वीरता लेडी जेसीजकी पूर्व अध्यक्ष संगीता गिरीलगायतले शुभकामना मन्तव्य राखेको कार्यक्रमको सञ्चालन महासचिव प्रभा रायले गरेकी थिइन् ।
