झापाको बिर्तामोड-५ मा अवस्थित न्यूटन्स एजुकेशन एकाडेमीले माध्यमिक शिक्षा परिक्षा (एसईई) मा उत्तिर्ण भएका विद्यार्थीलाई सम्मान गरेको छ ।
शनिवार विद्यालयमा आयोजित एक कार्यक्रमकाबीच २०८१ को एसईईमा उत्कृष्ट नतिजा ल्याउने विद्यार्थीहरुलाई बधाई तथा शुभकामनासहित सम्मान गरिएको हो ।
विद्यालयले एसईईमा ३.९५ जीपिएसहित यस वर्ष पनि उत्कृष्ट नतिजा ल्याउन सफल भएको विद्यालयका प्रिसिन्पल देबेन्द्र हुँमागाईले जानकारी दिए ।
एक सय दुई जनाले उत्कृष्ट नतिजा ल्याएर एसईई उत्तिर्ण गरेका छन् । एसईईमा श्रेयसी कार्की सवैभन्दा उत्कृष्ट नतिजा ३.९५ ल्याएर विद्यालयकै उत्कृष्ट भएकी छिन् । उनले एसईई माथिको शिक्षा पनि न्यूटन्समा लिने बताएकी छिन् ।
जस मध्ये ३५ जनाले ३.६ देखि ४.० जिपिए, ३५ जनाले ३.२ देखि ३.६ जिपिए, २५ जनाले २.८ देखि ३.२ जिपिए र ७ जनाले २.४ देखि २.८ जिपिए ल्याएका पिन्सिपल हुमागाँईले बताए ।
प्रिन्सिपल हुमागाँईको अध्यक्षतामा भएको सम्मान तथा शुभकामना कार्यक्रममा विद्यालयको प्लसटु को-अडिनेटर केवल सापकोटा, बिद्यालय शिक्षक अभिभावक संघका अध्यक्ष नरेश भट्टराई, संघका सदस्य जर्नादन बास्कोटा, अभिभावक नारायणप्रसाद खरेल लगायतले शुभकामना मन्तव्य राखेका थिए ।
विद्यालयका शैक्षिक इन्चार्ज नोयल परेराले स्वागत गरेको कार्यक्रमको सञ्चालन शिक्षक सुबास तिम्सिनाले गरेका थिए ।
