काठमाडौँ स्कुल अफ ल ले आयोजना गरेको ‘देश विकासको प्रारम्भिक बहस’ माथिको प्रतिस्पर्धामा कृतिका आचार्य प्रथम भएकी छन् ।
छनोट चरणको विभिन्न प्रतिस्पर्धामा सामेल हुँदै अन्तिम चरणमा पुगेका चार प्रतिस्पर्धीहरुलाई उछिन्दै झापाको बिर्तामोडमा अवस्थित निदि विद्यालयमा कक्षा १२ मा अध्ययरत आचार्यले विजेता हुँदै ५० हजार नगद र ट्रफी जितेकी हुन् ।
त्यस्तै प्रतिस्पर्धामा बागीश्वरी क्याम्पस भक्तपुरमा स्नातक चौथो वर्षमा अध्यनरत तेन्जिङ डोल्मा तामाङ द्विेतिय, सोही क्याम्पसमा अध्ययनरत विनिता तामाङ तृतिय र लक्ष्मी तामाङ सान्त्वना भएका छन् । उनीहरुले क्रमश: ३० हजार, २० हजार र १० हजार नगदसहित प्रमाणपत्र प्राप्त गरेका छन् ।
उक्त कार्यक्रमको प्रमुख अतिथिमा पूर्व प्रधानन्यायाधीश गोपाल पराजुली, विशेष अतिथि काठमाडौँ स्कुल अफ ल का कार्यकारी अध्यक्ष एवम् नेपाल सरकारका पूर्वगृह सचिव गोविन्द कुसुम, काठमाडौँ स्कुल अफ ल का कार्यकारी निर्देशक प्राध्यापक युवराज संग्रौला, मधेश प्रदेश विश्वविद्यालयका उपकुलपति दीपक अमात्य, काठमाडौँ स्कुल अफ ल का एकेडेमिक इन्चार्ज प्रा.हङकङ राना लगायतको उपस्थिति रहेको थियो ।
प्रतियोगितामा प्रथम, द्वितिय, तृतिय र सान्त्वना पुरस्कार पाउने छात्राहरुलाई काठमाडौँ स्कुल अफ लका कार्यकारी निर्देशक प्रा.युवराज संग्रौला र सुनगाभा बाटिका नेपालकी अध्यक्ष बीना बस्नेतले नगद, प्रमाण पत्र एवम् मायाको चिनो वितरण गरेका थिए ।
उक्त कार्यक्रमको सञ्चालन काठमाडौँ स्कुल अफ ल मा बिएएलएसबी अध्ययनरत अष्लेशा लुईटेल र सिल्भिया सेढाइले गरेका थिए ।
